வைல்டு கார்டு எண்ட்ரியில் கனவோடு வந்த ரியா கண்ணீரோடு பிக் பாஸ் வீட்டிலிருந்து வெளியேறினார் !!

பிக் பாஸ் நிகழ்ச்சியின் 8-வது சீசன் வைல்டு கார்டு எண்ட்ரியில் வந்த ரியா தியாகராஜன் எலிமினேட் ஆகி உள்ளார்.

விஜய் சேதுபதி தொகுத்து வழங்க பிக் பாஸ் 8-வது சீசன் ஒளிபரப்பாகும் ஆகும் நிலையில் மக்களிடம் குறைவான வாக்குகளை பெற்ற ரியா தியாகராஜன் இந்த வாரம் எலிமினேட் ஆகி பிக்பாஸ் வீட்டை விட்டு வெளியேறினார்.

வழக்கமாக விஜய் சேதுபதி கார்டை காட்டி எலிமினேட் செய்வார். ஆனால் இந்த வாரம் வேறு விதமாக ஸ்கூல் டாஸ்க் நடந்த நிலையில் அதே போல் எலிமினேஷன் நடந்தது.

தான் வெளியேற்றப்படுவதை அறிந்து ரியா கண்ணீர் விட்டு அழ தொடங்கிவிட்டார். அவரை ஜாக்குலின் உட்பட சிலர் ஆறுதல் கூறினார்கள்.

இந்த வீட்டில் இருந்த 14 நாட்களில் ஒருநாள் கூட தான் சோர்வடைந்து உட்கார்ந்ததில்லை. என்னை ஏன் எலிமினேட் செய்தார்கள் என்று கேள்வி எழுப்பி ரியா அழுததால் மனமுடைந்து போன விஜய் சேதுபதி அவருக்கு ஆறுதல் சொல்லி வழியனுப்பி வைத்தார்.

பிக்பாஸ் நிகழ்ச்சிக்கு மிகப்பெரிய கனவோடு வந்து கண்ணீரோடு வெளியே சென்ற ரியாவுக்கு இந்த சீசனில் மிகவும் கம்மியான சம்பளமே வழங்கப்பட்டு இருக்கிறது என தகவல் வெளிவந்துள்ளது.

அவருக்கு ஒரு நாளைக்கு ரூ.10 ஆயிரம் சம்பளமாக வழங்கப்பட்டு வந்த நிலையில், அவர் பிக் பாஸ் வீட்டில் இருந்த 14 நாட்களுக்காக அவருக்கு மொத்தமாக ரூ.1 லட்சத்து 40 ஆயிரம் சம்பளமாக வழங்கப்பட்டிருப்பதாக கூறப்படுகிறது.