ராதாபுரத்தில் நூலக வார விழா கொண்டாட்டம்

நெல்லை மாவட்டம் ராதாபுரம் கிளை நூலகம் சார்பில் நூலகத்தில் நூலக வார விழா நேற்று கொண்டாடப்பட்டது. விழாவிற்கு நூலகர் அஜிதா தலைமை வகித்தார். வாசகர் வட்ட தலைவர் மணி வரவேற்புரை வழங்கினார். ராதாபுரம் ஊராட்சி மன்ற தலைவர் பொன்.மீனாட்சி அரவிந்தன் முன்னிலை வகித்தார். இதில் சிறப்பு விருந்தினராக ராதாபுரம் காவல்துறை உதவி ஆய்வாளர் ராஜேஷ் கலந்துகொண்டு சிறப்புரை ஆற்றினார். அப்பொழுது அவர் பள்ளி, மாணவ மாணவிகள் புத்தக வாசிப்பை மேம்படுத்த வேண்டும் எனவும், செல்போனில் அதிக நேரம் செலவிடுவதை விட்டுவிட்டு புத்தகங்களை வாசிப்பதில் அதிக நேரம் செலவிட வேண்டும். அப்படி செலவிட்டவர்கள் தான் இந்த உலகத்தில் வெற்றி பெற்று இருக்கிறார்கள் என்று எடுத்துக் கூறினார். இதில் மாணவர்கள் ஏராளமானோர் கலந்து கொண்டனர்.