டிரைவர் விஷம் குடித்து தற்கொலை

புதுக்கடை அருகே கூட்டாலுமூடு பகுதியை சேர்ந்தவர் ஜஸ்டின் (57). இவர் கார் டிரைவர். இவருக்கு மதுப்பழக்கம் உண்டு. இதனால் சம்பவ தினம் இவருக்கும் மனைவி ராணி (53) என்பவருக்கும் பிரச்சனை ஏற்பட்டது. இதையடுத்து ராணி கோபித்துக் கொண்டு தனது தாய் வீட்டுக்கு சென்றுள்ளார். இதனால் ஏற்பட்ட மன வருத்தத்தில் இரவில் விஷம் குடித்துள்ளார். நேற்று மதியம் மயங்கிய நிலையில் கிடந்த ஜஸ்டினை உறவினர்கள் மீட்டு குழித்துறை அரசு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர்கள் ஏற்கனவே இறந்து விட்டதாக தெரிவித்தனர். புதுக்கடை போலீசார் வழக்கு பதிவு செய்து விசாரித்து வருகின்றனர்.