வடசேரி : இலவச கழிப்பறை செயல்பட வேண்டும் 

குமரி மாவட்டம் நாகர்கோவில் வடசேரி கிறிஸ்டோபர் பேருந்து நிலைய மேற்கு பக்கத்தில் இயங்கி வரும் இலவச கழிப்பறை இரவு 9.00 மணிக்கு  சமீப நாட்களாக மூடி விடுகின்றனர். இதனால் கழிப்பறை வசதி இல்லாத வடசேரி ஆம்னி  பேருந்து நிலையத்திற்கு வரும் பயணிகள் பலரும் பேருந்தில் வெளியூர்களுக்கு கிளம்பும் நேரத்தில் கழிப்பறைக்கு செல்ல முடியாமல் அவதிக்குள்ளாகிறார்கள்.       அதிலும் பெண் பயணிகள் மற்றும் வயதான பயணிகள் தங்கள் இயற்கை உபாதையை கழிக்க கழிப்பறையை தேடி அலைவது பரிதாபத்திற்கு உரியது. கட்டண கழிப்பறைக்கு சாதகமாக இலவச கழிப்பறையை இரவு நேரங்களில்  மாநகராட்சி மூடிவிடுவதாக பயணிகள் குற்றச்சாட்டுகின்றனர்.  இலவச கழிப்பறையை 24 மணி நேரமும் செயல்பட மாநகராட்சி நிர்வாகம் நடவடிக்கை எடுக்க வேண்டும் என பயணிகள் கோரிக்கை விடுத்துள்ளனர்.