சவுண்டம்மன் திருவிழா சக்தி அழைப்பு

குமாரபாளையம் சேலம் சாலை ஸ்ரீஇராமலிங்க சௌடேஸ்வரி அம்மன் கோவில் திருவிழா முகூர்த்தக்கால் நடும் வைபவத்துடன் துவங்கியது. அம்மனுக்கு சிறப்பு அபிஷேக, அலங்கார, ஆராதனைகள் நடத்தப்பட்டது. ஜன. 12ல் சுவாமி வீட்டார் அழைப்பு, ஜன. 13ல் சிறப்பு அபிஷேக, ஆராதனை நடந்தது. நேற்று மாலை காவிரி ஆற்றிலிருந்து சக்தி அழைப்பு வைபவம் நடந்தது. இதில் கத்தி போட்டவாறு அம்மனை வீரகுமாரார்கள் அழைத்து வந்தனர். இன்று காலை 10:00 மணிக்கு காவிரி ஆற்றிலிருந்து சாமுண்டி அழைப்பு, மாலை 04:00 மணிக்கு பெரிய பொங்கல் பூஜை, ஜன. 16ல் மாலை 06:00 மணிக்கு மகா ஜோதி அழைத்தல், ஜன. 17ல் காலை 07:30 மணிக்கு அம்மன் கோவிலிலிருந்து மஞ்சள் நீராட்டு மெரவணை, மாலை 06:00 மணிக்கு சத்தாபரணம் அலங்கார மெரவணை மற்றும் வாண வேடிக்கை நடைபெறும். இதற்கான ஏற்பாடுகளை விழாக்குழுவினர் செய்து வருகிறார்கள். அனைத்து நிகழ்ச்சியிலும் வீரகுமாரர்கள் கத்தி போட்டவாறு அம்மனை அழைத்து வருவார்கள். இதனை காண பல்வேறு மாநிலங்களிலிருந்தும், மாவட்டங்களிலிருந்தும் பக்தர்கள் பெருமளவில் வருவது வழக்கம்.