ரூ.40.00 இலட்சம் உதவித்தொகை

திண்டுக்கல் மாவட்ட ஆட்சியர் அலுவலகத்தில் திண்டுக்கல் மாவட்ட முஸ்லீம் மகளிர் உதவும் சங்கம் மற்றும் கிறித்துவ மகளிர் உதவும் சங்கங்களுக்கு 2023-2024 ஆம் ஆண்டிற்கான அரசின் இணை மானியத்தொகை ரூ.40.00 இலட்சம் உதவித்தொகையை 245 பயனாளிகளுக்கு மாவட்ட ஆட்சித்தலைவர் சரவணன் வழங்கினார். அரசால் இணைமானியத் தொகையினை பயனாளிகளுக்கு வழங்க செயற்குழு கூட்டம் மாவட்ட ஆட்சித்தலைவர் தலைமையில் நடைபெற்றது. இக்கூட்டத்தில் முஸ்லீம் மகளிர் உதவும் சங்கத்தின் மூலம் பரிந்துரைக்கப்பட்ட 134 பயனாளிகளுக்கு ரூ.20.00 இலட்சமும், கிறித்துவ மகளிர் உதவும் சங்கங்கத்தின் மூலம் பரிந்துரைக்கப்பட்ட 111 பயனாளிகளுக்கு ரூ.20.00 இலட்சம் என மொத்தம் ரூ.40.00 இலட்சம் 245 பயனாளிகளுக்கு உதவித்தொகையினை மாவட்ட ஆட்சித்தலைவர் சரவணன் வழங்கினார். இந்நிகழ்ச்சியில், தமிழ்நாடு மாநில ஊரக வாழ்வாதார இயக்கம் திட்ட இயக்குநர் சதீஸ்பாபு, மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் சுதாகர், கிறித்துவ மகளிர் உதவும் சங்க கௌரவ செயலாளர் ஆல்பர்ட் பெர்னான்டோ மற்றும் முஸ்லீம் மகளிர் உதவும் சங்க கௌரவ செயலாளர் பீர்முகமது மற்றும் சங்க நிர்வாகிகள் உட்பட பலர் கலந்து கொண்டனர்.