பள்ளிக்கு சென்ற மாணவி மாயம்

ராணிப்பேட்டை அருகே உள்ள கிராமத்தை சேர்ந்தவர் 15 வயது மாணவி. இவர் காட்பாடியில் உள்ள தனியார் பள்ளியில் பிளஸ்-1 வகுப்பு படித்து வந்தார். இந்த நிலையில் கடந்த 20-ந் தேதி பள்ளிக்கு சென்ற மாணவி மாலையில் வீடு திரும்பவில்லை. இதுகுறித்து அவருடைய தாய் காட்பாடி காவல் நிலையத்தில் நேற்று புகார் அளித்தார். அதன்பேரில் போலீசார் வழக்குப்பதிவு செய்து காணாமல் போன மாணவியை தேடி வருகின்றனர்.