வரும் செப் 22ம் தேதி முதல் பால் விலை குறைகிறது!!!

ஜிஎஸ்டியில் செப்டம்பர் 22ஆம் தேதி முதல் புதிய மாற்றம் அமலுக்கு வருகிறது. அதன் பிறகு அமுல் கோல்டு (Full Cream) பாலின் விலை 69 ரூபாயில் இருந்து 65 ரூபாயாகக் குறையலாம். அதேபோல, மதர் டெய்ரி டோன்ட் பாலின் விலை 57 ரூபாயில் இருந்து 54 ரூபாயாகக் குறைய வாய்ப்புள்ளது. ஜிஎஸ்டி வரியை நீக்கியதற்கு அமுல் மற்றும் மதர் டெய்ரி நிறுவனங்கள் வரவேற்பு தெரிவித்துள்ளன. இந்த பலனை நுகர்வோருக்கு முழுமையாக வழங்குவதாக அந்த நிறுவனங்கள் கூறியுள்ளன. பால் விலை குறைந்தால் பாலுக்கான தேவை அதிகரிக்கும். நுகர்வோரின் நம்பிக்கையும் அதிகரிக்கும் என்று நிறுவனங்கள் நம்புகின்றன. பால் உற்பத்தி துறையும் புதிய ஊக்கம் பெறும். இந்த முடிவு பணவீக்க காலத்தில் மக்களுக்கு ஒரு பெரிய நிவாரணமாக இருக்கும் என்று எதிர்பார்க்கப்படுகிறது. பால், சீஸ் மற்றும் பிற பால் பொருட்களுக்கான வரி நீக்கம் மக்களின் அன்றாட பட்ஜெட்டில் நேரடி தாக்கத்தை ஏற்படுத்தும். இது நடுத்தர மற்றும் குறைந்த வருமானம் உள்ளவர்களுக்கு அதிக பலனைக் கொடுக்கும். பவுச் பாலுக்கு ஜிஎஸ்டி விலக்கு இருக்கும். ஆனால், பேக்கேஜ் செய்யப்பட்ட UHT பாலுக்கு (Tetra Pack/Carton Packaging) மட்டும் ஜிஎஸ்டி வரி 5 சதவீதத்தில் இருந்து 0% ஆக குறைக்கப்பட்டுள்ளது. UHT என்றால் Ultra-High Temperature என்று அர்த்தம். இந்த முறையில் பாலை அதிக வெப்பநிலையில் சூடுபடுத்தி உடனடியாக குளிர்விப்பார்கள். இதனால் பால் கெட்டுப் போகாமல் நீண்ட நாட்களுக்கு இருக்கும். Tetra Pack-களில் இந்த பால் அடைக்கப்பட்டு விற்பனை செய்யப்படும். பால் என்பது அனைத்து தரப்பு மக்களும் பயன்படுத்தும் ஒரு அத்தியாவசிய பொருளாக உள்ளது. அதன் விலை குறைவதால் சாமானிய மக்கள் பயனடைவார்கள். பணவீக்கத்தால் கஷ்டப்படும் மக்களுக்கு இது ஒரு வரப்பிரசாதமாக இருக்கும். பால் நிறுவனங்களும் இந்த முடிவை வரவேற்றுள்ளன. இதனால் பால் விற்பனை அதிகரிக்கும் என்று எதிர்பார்க்கப்படுகிறது. அமுல் மற்றும் மதர் டெய்ரி பால் புதிய விலைப் பட்டியல் : அமுல் கோல்ட் (ஃபுல் க்ரீம்): ஒரு லிட்டரின் விலை ரூ.69 லிருந்து ரூ.65 - ரூ. 66 ஆகக் குறையும். அமுல் ஃப்ரெஷ் (டோண்ட்): ஒரு லிட்டரின் விலை ரூ. 57லிருந்து ரூ. 54 - ரூ. 55 ஆகக் குறையும். அமுல் டீ ஸ்பெஷல்: ஒரு லிட்டரின் விலை ரூ. 63 லிருந்து ரூ. 59 - ரூ. 60 ஆகக் குறையும். எருமை பால்: ஒரு லிட்டரின் விலை ரூ. 75லிருந்து ரூ. 71- ரூ. 72 ஆகக் குறையும். பசுவின் பால்: ஒரு லிட்டரின் விலை ரூ. 58 லிருந்து ரூ. 55 -ரூ. 57 ஆகக் குறையும். மதர் டெய்ரி ஃபுல் க்ரீம்: ஒரு லிட்டரின் விலை ரூ. 69லிருந்து ரூ. 65 - ரூ. 66 ஆகக் குறையும். மதர் டெய்ரி டோனட் மில்க்: ஒரு லிட்டரின் விலை ரூ. 57லிருந்து ரூ. 55 - ரூ. 56 ஆகக் குறையும். மதர் டெய்ரி எருமை பால்: ஒரு லிட்டர் விலை ரூ. 74லிருந்து ரூ. 71 ஆக குறையும். மதர் டெய்ரி பசுவின் பால்: ஒரு லிட்டர் விலை ரூ. 59லிருந்து ரூ. 56 - ரூ. 57 ஆக குறையும்.